Trinità

Diu patri
Diu figghiu
Diu spiritu santu
sunnu tri e sunnu unu.
Comu fari pi capiri sta santa Trinitati?
Lu misteru chiù misteru
sulu Diu lo sapi.

Ma si talìu l’omu
l’omu è menti
l’omu è corpu
l’omu è arma.
La menti è la centralina
di tuttu lu corpu
chi omu è si la menti nun c’è?
Lu corpu è chiddu ca si viri,
è chiddu ca nni rici
li cumanni di la menti
e iddu camina, parra e fa.
L’omu senza corpu unn’è nenti.
L’arma è lu disiu chiù granni
è lu disiu d’amuri, lu disiu di santità.
L’omu senz’arma
è comu lu vinu allungatu cu l’acqua
chi sapuri avi?
Unu senza l’autru ‘un ci sta
tutti tri ‘nzemmula
sunnu lu specchiu di la santa Trinitati.

Diu granni e priziusu
ca facisti l’omu
comu a tia.
Si ora semu accussì
chi saremu ‘nta l’eternità?

L’arma veni subitu ni tia
lu corpu e la menti
s’arruspigghianu pi tia
Tutti tri
‘nzemmula ni tia
semu la santa Trinitati.

Testo in lingua: Trinità//Dio padre/Dio figlio/Dio spirito santo/sono tre e sono uno./Come fare per capire questa santa Trinità?/Il mistero più mistero/solo Dio lo sa.//Ma se guardo l’uomo/l’uomo è mente/l’uomo è corpo/l’uomo è anima./La mente è la centralina /di tutto il corpo/che uomo è se la mente non c’è?/Il corpo è quello che si vede,/è quello che ci dice/i comandi della mente/e lui cammina, parla e fa./L’uomo senza corpo non è niente./L’anima è il desiderio più grande/è il desiderio d’amore, il desiderio di santità./L’uomo senza anima/è come il vino diluito con l’acqua/che sapore ha?/Uno senza l’altro non ci sta/tutti e tre insieme/sono lo specchio della santa Trinità.//Dio grande e prezioso/che hai fatto l’uomo/come te./Se ora siamo così/chi saremo nell’eternità?//L’anima viene subito da te/il corpo e la mente/si svegliano per te./Tutti e tre/insieme a te/siamo la santa Trinità.//