Maronna santa

Mi ‘nsignaru a chiamariti Maronna santa
e mi parevi accussì luntana
ca raramenti pinsava a tia.
Eri la Madonna, chidda ca sta supra l’artari
e iu nica ‘un puteva parrari a tia.
Poi criscivu e sempri maronna ti ricìa
ma sempri a la luntana, senza isari l’occhi
troppu strata tra mia e tia.

Poi ‘nta sta comunità unu ti chiamava Maria
e iu a picca a picca m’avvicinava a tia.
Dicia Maria
e mi pareva ca tu scinnevi di l’artari
e ti mittevi o latu a mia.
Maria, Maria
n’eri chiù luntana, eri Maria.

Stu frati priziusu, ca tu chiamasti a tia
ni ‘nsigna li nomi chiù giniali
pi tia, matri di Gesù.
Ora la Madonna ch’era luntana
trasi dintra lu cori di la genti
‘Un si chiù Maria, soru, amica mia,
ora si matri di la speranza mia.

La spiranza di l’omu è viriri Diu
la spiranza di Diu è la sarvizza di l’omu
‘Un semu luntani
la spiranza ni teni pa’ manu
la me’ spiranza si tu
la to’ spiranza sugnu iu
Diu la spiranta e iu
iu la spiranza e Diu.
Spiranza tenimi stritta sta manu
‘un permettiri c’allentu la prisa
tenimi forti la manu
‘un mi lassari iri.
E quannu arriva l’ura
ca la spiranza addiventa carità
tutti ‘nsemmula cu la santa Trinità.

Testo in lingua: Madonna Santa//Mi Hanno insegnato a chiamarti Madonna santa/e mi sembravi così lontana/che raramente pensavo a te./Eri la Madonna, quella che sta sull’altare/e io piccolina non potevo parlare a te./Poi sono cresciuta e sempre Madonna ti dicevo/ma sempre con distacco, senza alzare gli occhi/troppa strada tra me e te./Poi in questa comunità uno ti chiamava Maria/e io a poco a poco mi avvicinavo a te./Dicevo Maria/e mi sembrava che tu scendevi dall’altare/e ti mettevi accanto a me./Maria, Maria/Non eri più lontana, eri Maria.//Questo prezioso fratello, che tu hai chiamato a te/ci insegna i nomi più geniali/per te, madre di Gesù./Ora la Madonna ch’era lontana/entra nel cuore della gente/Non sei più Maria, sorella, amica mia,/ora sei madre della speranza mia.//La speranza dell’uomo è vedere Dio/la speranza di Dio è la salvezza dell’uomo/Non siamo lontani/la speranza ci tiene per mano/la mia speranza sei tu/la tua speranza sono io/Dio la speranza ed io/io la speranza e Dio./Speranza tienimi stretta questa mano/non permettere che allenti la presa/tienimi forte la mano/non mi lasciare andare./E quando arriva l’ora/che la speranza diventa carità/tutti insieme con la santa Trinità.//