‘Na munita d’oru

Un pinseri pi diriti grazi
mi grapisti lu cori
e un ciumi di paroli
acchiana ’nta la menti.
Picchì stanotti
lu pinseri d’una munita lucenti
s’arrimina ‘nta la menti?

‘Na munita nova brillìa ni la manu
e nuddu la talìa
mettila ‘nzemmula a chiddi vecchi
e subitu idda brillìa chiòssai
la talìì e ti pari bedda
la metti ri latu, la sarbi
oppuru la vinni pi nenti.

La stissa munita
si capita ‘n manu on picciriddu
addiventa priziusa
la talia, la girìa
la gratta s’è u casu
pi vidiri si dintra
è lustra e priziusa
poi macari allustra li vecchi
pi falli priziusi e lucenti.
Si perdi la nova la cerca e la trova
si perdi la vecchia la cerca e la trova
‘un c’è diffirenza su sempri un tesoru.

Si cerchi lu nicareddu ch’è dintra di tia
li genti su’ tutti priziusi
su’ cari o’ tò cori
lu fora unn’é nenti
lu dintra è oru
ca putemu allustrari.

Testo in lingua: Una moneta d’oro//Un pensiero per dirti grazie/mi hai aperto il cuore/e un fiume di parole/sale nella mente./Perché questa notte/il pensiero di una moneta lucente/Si agita nella mente?//Una moneta nuova brilla in mano/e nessuno la guarda/Se la metti insieme a quelle vecchie /subito lei brilla di più/la guardi e ti sembra bella/la metti di lato, la conservi/oppure la vendi per niente.//La stessa moneta/se capita in mano ad un bambino/diventa preziosa/la guarda, la gira/la graffia se è il caso/per vedere se dentro/è lucida e preziosa/poi magari lucida le vecchie/per farle preziose e lucenti./Se perde la nuova la cerca e la trova/se perde la vecchia la cerca e la trova/non c’è differenza sono sempre un tesoro//Se cerchi il bambino ch’è dentro di te/la gente è tutta preziosa/è cara al tuo cuore/il fuori non è niente/il dentro è oro/che possiamo lucidare.//