L’omu ri fangu

Signuruzzu miu
chi granni cosi facisti
e una chiù bella di l’autra
facisti lu suli, la luna, li stiddi
p’addumari la luci ‘nta stu scuru eternu
facisti lu mari, li ciumi e li acqui
p’abbivirari la terra riarsa ru suli
facisti li munti, li piani e li valli
pi dari la terra a tutti li genti
facisti l’armali, l’aceddi e li pisci
pi dari a manciari a l’omu sapienti
facisti l’omu.
Picchì u facisti?
U facisti pi essiri amicu ri Diu
u facisti pi parrari cu corcunu d’amuri
ci rasti tutti li cosi ru munnu
ci rasti ‘u beni chiù granni chi c’è
ci rasti a to’ figghiu
cu tuttu lu cori
ci rasti u’ dirittu di diri papà.

Ma iddu chi fici
st’omu ri fangu?
disprizzò tutti li cosi
lu suli, la luna, li stiddi astutò
lu mari, li ciumi, li acqui ‘nquinò
l’armali, l’aceddi, li pisci ammazzò.
L’omu ammazza l’omu
ma ‘un ci bastò
‘ncruci misi a tò figghiu
e si scurdò l’amuri ca ni purtò.
Passanu li jorna, i misi, l’anni
e l’omu nasci, crisci e mori
e mai un pinseri pi tia papà.
Iddu unnu sapi ca tu rumani
a unu a unu n’addumanni
chi facisti figghiu miu
pi l'eternità.

Testo in lingua: L’uomo di fango//Dio mio/Che grandi cose hai fatto/e una più bella dell’altra/hai fatto il sole, la luna, le stelle/per accendere la luce in questo buio eterno/hai fatto il mare, i fiumi e le acque/per abbeverare la terra riarsa dal sole/hai fatto i monti, i piani e le valli/per dare la terra a tutte le genti/hai fatto gli animali, gli uccelli e i pesci/per dare da mangiare all’uomo sapiente/hai fatto l’uomo./Perché lo hai fatto?/Lo hai fatto per essere amico di Dio/lo hai fatto per parlare con qualcuno d’amore/gli hai dato tutte le cose del mondo/gli hai dato il bene più grande che c’è/gli hai dato tuo figlio/con tutto il cuore/gli hai dato il diritto di dire papà.//Ma che fece/quest’uomo di fango?/Disprezzò tutte le cose/il sole, la luna, le stelle spense/il mare, i fiumi, le acque inquinò/gli animali, gli uccelli, i pesci ammazzò./L’uomo uccide l’uomo/ma non gli è bastato/in croce mise tuo figlio/e si scordò l’amore che ci portò./Passano i giorni, i mesi, gli anni/e l’uomo nasce, cresce e muore/e mai un pensiero per te papà./L’uomo non sa che tu domani/a ciascuno domanderai/che hai fatto figlio mio/per l'eternità.//