Pirdunu

Ti circava e pi tia caminava
ma lu niuru di la notti
calò supra di mia
astutò tutti li luci
e di niuru mi tinciu.
Chi pinseri nascinu ‘nta la menti
cercu la luci, vestu a culuri
ma lu niuru ‘un s’abbaca
e tuttu cummogghia
e sempri niuru viu.
Tinci Signuri stu cori di petra
lassa ca scinninu lacrimi amari
pirdunu ti priu
pietà di mia.
Astuta i pinseri
e grapi lu cori
l’amuri ca c’è
portalu fora.

Testo in lingua:Ti cercavo e per te camminavo/ma il buio della notte/scese sopra di me/spense tutte le luci/e di nero mi tinse./Che pensieri nascono nella mente/cerco la luce, mi vesto a colori/ma il nero non sbianca/
e tutto copre/e sempre nero vedo./Tingi Signore questo cuore di pietra/lascia che scendano lacrime amare/perdono di prego/pietà di me/Spegni i pensieri/e apri il cuore/l’amore che c’è/portalo fuori.//