Ieri e oggi

Lu tempu du me’ tempu
mi pari fora tempu,
li matri d’una vota
eranu matri santi
ottu, deci figghi cu tranquillità.
Spaccavanu la lira
pi quatrari lu bilanciu
ci mancava tuttu
e ‘un ci mancava nenti.
Li picciriddi beddi,
specchiu da saluti
un pezzu i pani ruru e filicità.
‘Na bambula di pezza,
lu fucili di lugnu
erano li jochi ‘mmanu e picciriddi.
La sira lu papà turnava stancu mortu:
“curri picciriddu vasa lu papà”.
Mamà picchì chiovi?
Lu Signuruzzu beddu lava la so’ casa.
Mamà picchì c’è ventu?
La Marunnuzza santa grapi li finestri.
I picciriddi beddi criscianu ‘nsantità.

Ora tuttu è diversu
li matri travagghianu
unu, du figghi siddu hannu tempu
tornanu a la casa, vacanti d’amuri
stanchi di sirbizza, ‘un parranu d’amuri
Li patri tornanu la sira
nuddu ci curri ‘ncontru.
Muta la matri, mutu lu patri
li picciriddi ‘un parranu di nenti.
Parra sulu un cristianu
dintra la televisioni
la casa è aperta a genti strani.
Iddi cumannanu,
ti ricinu zoccu a manciari
iddi ti ricinu zoccu a pinsari.
Lu Signuruzzu ‘un lava chiù
la Marunnuzza ‘un grapi chiù
Sta società è u risurtatu
di sta famigghia china di piccati.
L’amuri è ghinchiri la panza
l’amuri è aviri i casi chini
l’amuri è essiri vistuti boni
l’amuri ‘un si tu, Gesuzzu miu.

Lu Diu unn’è chiù Diu, ma sugnu iu.
La Matri unn’è chiù matri di la genti
è Matri sulu du figghiu di Diu.
La chesa unn’è la casa du Signuri
è sulu la casa du parrinu
poviru omminu d’amuri
chiusu dintra quattru mura.
Grapi Signuruzzu beddu la me’ porta
astuta la televisioni
parra a lu patri, parra a la matri
parra a sti picciriddi beddi.

Zitti picciriddi!
Parra Diu a tutti li genti
parra Maria a li cori duri
parra Gesù a li menti sapienti
manna u tò Spirtu, Spirtu d’amuri,
c’adduma li cori di sta brava genti.

Testo in lingua: Ieri e oggi// Il tempo del mio tempo/ mi sembra fuori tempo/ le madri di una volta/ Erano madri sante./ Otto, dieci figli con tranquillità./ Spaccavano la lira/ Per quadrare il bilancio/ gli mancava tutto/ e non gli mancava niente./ I bambini belli,/ specchio della salute/ un pezzo di pane duro e felicità./ Una bambola di pezza,/ il fucile di legno/ erano i giochi in mano ai bambini./ La sera il papà tornava stanco morto:/ “corri, bambino, bacia papà”./ Mamma perché piove?/ Gesù lava la sua casa./ Mamma perché c’è vento?/ La Madonnina santa apre le finestre./ I bambini belli crescevano in santità.// Ora tutto è diverso/ le madri lavorano/ uno, due figli se hanno tempo/ tornano a casa, vuota d’amore/ stanchi di servizi, non parlano d’amore./ I padri tornano a sera/ nessuno gli corre incontro./ Muta la madre, muto il padre/ i bambini non parlano di niente./ Parla solo un cristiano/ dentro la televisione/ la casa è aperta a gente strana./ Loro comandano,/ ti dicono cosa devi mangiare/ loro ti dicono cosa devi pensare./ Gesù non lava più/ la Madonnina non apre più./ Questa società è il risultato/ di questa famiglia piena di peccati./ L’amore è riempire la pancia/ l’amore è avere le case piene/ l’amore è essere vestiti bene/ l’amore non sei tu, Gesù mio.// Dio non è più Dio, ma sono io./ La Madre non è più la madre delle genti/ è madre solo del figlio di Dio./ La chiesa non è la casa del Signore/ è solo la casa del prete/ povero uomo d’amore/ chiuso dentro quattro mura./ Apri Gesù la mia porta/ spegni la televisione/ parla al padre, parla alla madre/ parla a questi bei bambini.// Zitti bambini!/ Parla Dio a tutte le genti/ parla Maria ai cuori duri/ parla Gesù alle menti sapienti/ manda il tuo Spirito, Spirito d’amore/ che accende il cuore di questa brava gente.//