Li picciriddi

Li picciriddi di stu munnu
su’ picciriddi strani
mancianu senza fami
jocanu senza jucari
tuttu sannu e un sannu nenti.

Mancianu televisioni
e crisci la menti
e crisci lu cori
la menti crisci di nenti
lu cori crisci di nenti.

Nuddu ci parra ri tia
nuddu ci rici l'amuri
Parinu picciriddi di pezza
‘un chiancinu, ‘un ririnu,
‘un fannu nenti.

Ma iddi, picciriddi beddi
chi curpa n'annu?
La curpa è di li matri,
la curpa è di li patri,
la curpa è di sta società piccaminusa.
Tu li facisti santi pi li santi
ma li rasti 'nmanu ‘e piccatura.

Aggrizza li matri
aggrizza li patri
aggrizza sta società di mala genti
e forsi dumani
sti picciriddi sarannu
la spiranza di li genti.

Testo in lingua: I bambini//I bambini di questo mondo/sono bimbi strani/mangiano senza fame/giocano senza giocare/sanno tutto e non sanno niente.//Mangiano televisione/e cresce la mente/e cresce il cuore/la mente cresce di niente/il cuore cresce di niente.//Nessuno gli parla di Te/nessuno gli dice l’amore/sembrano bambini di pezza/non piangono, non ridono,/non fanno niente.//Ma loro, bimbi belli/che colpa ne hanno?/La colpa è delle madri,/la colpa è dei padri,/la colpa è di questa società peccatrice./Tu li hai fatti santi per i santi/ma li hai dato in mano ai peccatori.//Raddrizza le madri/raddrizza i padri/raddrizza questa società di mala gente/e forse domani/questi bambini saranno/la speranza delle genti.//