Lazzaru

Si mortu picciutteddu
Piatusu pi la genti
Pirdutu pi lu munnu

Carni pi li vermi.
Ma, avisti la fortuna
Di moriri cu la vita ‘nterra.
Sta vita assai priziusa
Si pigghiò li tò peni
E lacrimi amari Vagnaru la so facci.
Accussì cu ‘na parola sula
Ti retti arreri vita.
“Lazzaru” a gran vuci
dissi l’omu-diu
e tu niscisti arreri,
lassasti la morti
p’abbrazzari la vita.

A tia frati e soru mia
Vogghiu diri ancora sta parola
Comu stu Lazzaru
Puru iu ‘ntisi sta vuci assai possenti
E cu tuttu lu cori Mi misi arreri aggritta
Ma caminari unn’è ‘na cosa facili
Unu, du passi e sugnu arreri ‘nterra
Iddu piatusu si cala,
scinni finu a mia,
si pigghia li pinseri e tutti li me danni
e iu cu lu cori ‘nmanu
sugnu arreri aggritta.
St’amuri mi cummogghia
Mi inchi e mi scummogghia
Stu Diu ca mi retti arreri vita
Unn’è cosa di picca
È tuttu lu pinseri
Ca inchi la me menti,
l’unicu disiu di l’arma mia
è talari l’occhi so’ lucenti,
è sentiri ‘nta lu cori
l’amuri cchiù ‘mpurtanti.

A tia parrinu
ca ti fai cumpagnu
A tia un compitu gravusu
Tu si forbicia ca tagghia
Tu si spiritu c’arrucia la ferita
Si, sì troppu piatusu
La ferita và ‘ncancrena
E lu malatu è arreri
Mortu e ammazzatu
A tia lu Signuruzzu
Dici ancora ora
“sciogghilu e lassalu iri”
tagghia lu linzolu
c’ammogghia lu risortu
e vivu finarmenti
lu figghiu miu
camina tra la genti.

Testo in lingua: Lazzaro//Sei morto giovanotto/ Pietoso per la gente/ perso per il mondo/ carne per i vermi./ Ma, hai avuto la fortuna/ di morire con la vita in terra./ Questa vita assai preziosa/ Si prese le tue pene/ e lacrime amare/ bagnarono la sua faccia./ Così con una parola sola/ Ti diede di nuovo vita./ “Lazzaro” a gran voce/ disse l’uomo—Dio/ e tu sei uscito di nuovo,/ hai lasciato la morte/ per abbracciare la vita.// A te fratello e sorella mia/ voglio dire ancora questa parola/ come questo Lazzaro/ pure io ho sentito questa voce assai possente/ e con tutto il cuore/ mi son messa di nuovo in piedi/ ma camminare non è una cosa facile/ uno, due passi/ e sono di nuovo a terra/ Lui pietoso si abbassa,/ scende fino a me,/ si piglia i pensieri/ e tutti i miei danni/ e io con il cuore in mano/ sono di nuovo in piedi./ Quest’amore mi copre/ mi riempie e mi scopre/ questo Dio che mi diede di nuovo vita/ non è cosa di poco/ è tutto il pensiero/ che riempie la mia mente,/ l’unico desiderio dell’anima mia/ è guardare gli occhi suoi lucenti,/ è sentire dentro il cuore/ l’amore più importante.// A te prete che ti fai compagno/ a te un compito gravoso/ tu sei forbice che taglia/ tu sei alcool che bagna la ferita/ se sei troppo pietoso/ la ferita và in cancrena/ e il malato è di nuovo/ morto e ammazzato/ a te Gesù/ dice ancora ora/ “scioglilo e lascialo andare”/ taglia il lenzuolo/ Che avvolge il risorto/ e vivo finalmente/ il figlio mio/ cammina tra la gente.//