Figghia mia

M’arruspigghiavu stamatina
cu lu pinseri a Tia.

Picchì Signuri
ti parru cu la menti
ti parru cu lu cori
ma la me’ vucca muta si sta?

Si t’e diri ca ti pensu
la vuci ‘un nesci
si t’e diri l’amuri
ca c’è dintra lu cori
la vucca mia ‘un si movi.
E ti dumannu pirdunu
e l’occhi chiancinu
ma la vuci ‘un nesci.

Iu sacciu ca tu si cca
‘o latu a mia
ca senti li pinseri
e dici sempri
parra figghia mia!

Chi t’e diri papà?
Tuttu chiddu chi c’è
dintra l’arma mia
Tu lu canusci già.

Ma picchì stu turmentu
picchì ‘un si grapi
sta vucca mia?

Tu mi dici chiddu ca vo’ rittu
e iu ‘un parru no.
E li stissi pinseri
ca dici a mia
li metti ‘ntesta all’autra genti
corcunu ca grapi la vucca l’à truvari.
E tu figghuzza mia
picchì ‘un parri?

U sai chi pinsavu papà?
Pinsavu ri scriviri
tuttu chiddu chi t’e diri.
Ma tu si cuntentu r’accussì?.

Tutta foddri
‘un c’è chi fari
puru ‘nta lu priari
trovi corchi cosa
ri stranu di fari!

Testo in lingua: Figlia mia//Mi sono svegliata questa mattina/pensando a te.//Perché Signore/ti parlo con la mente/ti parlo con il cuore/ma la mia bocca rimane muta?//Se ti devo dire che ti penso/la voce non esce/se ti devo dire l’amore/che c’è nel mio cuore/le labbra non si muovono./E ti domando perdono/e gli occhi piangono/ma la voce non esce.//Io so che tu sei qui/accanto a me/che senti i pensieri/e dici sempre/parla figlia mia!//Che ti devo dire papà?/Tutto quello che c’è/nella mia anima/Tu lo conosci già.//Ma perché questo tormento/perché non si apre/questa mia bocca?//Tu mi dici quello che vuoi ascoltare/e io non parlo, no./E gli stessi pensieri/che mi dici/li metti in testa ad altra gente/qualcuno che apre la bocca devi trovarlo./E tu figlia mia/perché non parli?//Sai cosa ho pensato, papà?/Ho pensato di scrivere/tutto quello che ti devo dire/ma tu sei contento così?//Tutta folle/non c’è niente da fare/pure nel pregare/trovi qualcosa di strano da fare!