Comu ti chianciu

E chi ti pari
Ca stu munnu è tunnu?
Talialu bonu,
pari tunnu ma è chinu di spuntuna
gira ‘ntunnu ma unn’è tunnu
girannu girannu
punci l’universu
li stiddi si fannu di latu
la luci s’abbaca
lu scuru chiù niuru
ammogghia li cosi
stu munnu è sulu
un pirtusu niuru
chi grapi la porta
pi l’unfernu.

Testo in lingua: Come ti piango//Che ti sembra/che questo mondo è tondo?/Guardalo bene,/sembra tondo ma è pieno di punte/gira in tondo ma non è tondo/girando girando/punge l’universo/le stelle si mettono da parte/la luce si fa fioca/il buio più nero/copre le cose/questo mondo è solo/un buco nero/che apre la porta/per l’inferno.//