Lu piccatu

L’omu è fattu di pasta strana
quannu nasci,
pari un ciuri lu picciriddu
zuccaru e meli la so’ vuccuzza
grapi li vrazza a la mamà
abbrazza lu munnu
riri felici
‘un chianci pi nenti.
Poviru figggiu
ittatu ca ‘nterra
prestu, prestu si ‘nzigna li vizzi.

Voi essiri felici?
accuntenta lu munnu.
Voi essiri capitu
ma parri ‘na lingua
ca ‘nterra è scurdata
voi l’amuri chi tu duni all’omu
e ‘ncanciu ricivi lu prezzu pagatu
e picca pi tia.

‘Un t’abbiliari picciriddu
mettici ‘na petra supra
e curri ‘ntunnu ‘nsemmula all’autri
e giri e firrì
‘un si cuntentu, fai finta di nenti
e giri, firrì e curri cu l’autri,
sempri lu stessu giru ca ‘un porta nenti
sempri lu stessu giru ca ‘un finisci mai.

Poi arriva lu mumentu stranu
lu mumentu foddri.
Ti fermi e talì
ti fermi e pensi
“li foddri su iddi
un capiscinu nenti”
Lu Diu ca c’è dintra di mia
un cala la testa,
la isa chiossai, sugnu accussì
sugnu iu e sugnu propriu accussì.
A stu puntu si ghiuntu,
lu megghiu è già fattu,
lu restu lassalu iri
un ci pinsari
ci pensa Diu.

Testo in lingua: Il peccato//L’uomo è fatto di pasta strana/quando nasce,/sembra un fiore il piccolino/zucchero e miele la sua boccuccia/apre le braccia alla mamma/abbraccia il mondo/ride felice/non piange per niente./Povero figlio/gettato qui in terra/presto, presto impara i vizi.//Vuoi essere felice?/Accontenta il mondo./Vuoi essere capito/ma parli una lingua/che in terra è dimenticata/vuoi l’amore che tu doni all’uomo/in cambio ricevi il prezzo pagato/e poco per te.//Non fartene un problema, piccolino/mettici una pietra sopra/e corri in tondo insieme agli altri/e giri e rigiri/non sei contento, fai finta di niente/e giri, rigiri e corri con gli altri,/sempre lo stesso giro che non porta niente/sempre lo stesso giro che non finisce mai.//Poi arriva il momento strano/il momento folle./Ti fermi e guardi/ti fermi e pensi/“i pazzi sono loro/non capiscono niente”/Il Signore che c’è dentro di me/non abbassa la testa,/la alza di più, sono così/sono io e sono proprio così./A questo punto sei arrivato,/il meglio è già fatto,/il resto lascialo andare/non ci pensare/ci pensa Dio.//