La cruci

P’amuri abbrazzasti sta cruci
p’amuri acchianasti supra sta cruci.
Un pezzu di lignu
e lu Figghiu di Diu
appizzatu da supra
mori pi mia.
Lu cristianu isa l’occhi
e talìa la cruci,
dici u rusariu
e teni ‘nmanu la cruci,
si signa cu la cruci
ma ‘un voli sta cruci.
Lu cristianu mori senza cruci.
‘Un voli la cruci,
ti pria e ti rici:
“alluntana sta cruci”
e accussì fazzu puru iu.
E’ facili diri ama la cruci,
la cruci ti porta la vita,
abbrazza sta cruci,
la strata di la cruci
è la strata di Diu.
Ma unn’è facili
amari la cruci
essiri ‘ncruci.
Figghiu di Diu
scinni di sta cruci
ca ci acchianu iu
‘un moriri pi mia
moru iu pi tia.
Moru a picca a picca
e moru pi tia.
La cruci di la me’ vita
sugnu iu
iu ca ti fazzu resistenza
iu ca ‘un parru di tia
iu ca ‘un moru pi tia.
Abbrazzari la cruci
è la morti di l’iu
amari la cruci
è unn’essiri cchiù iu.
Si moru iu, nasci tu.
Fa’ moriri stu iu
e nasci prestu tu.

Testo in lingua: La cruci//Per amore hai abbracciato questa croce/per amore sei salito su questa croce./Un pezzo di legno/e il Figlio di Dio/appeso lì sopra/muore per me./Il cristiano alza gli occhi/e guarda la croce,/prega il rosario/e tiene in mano la croce,/si segna con la croce/ma non vuole questa croce./Il cristiano muore senza croce./Non vuole la croce,/ti prega e ti dice:/“Allontana questa croce”/e così faccio pure io./E’ facile dire ama la croce,/la croce ti porta la vita,/abbraccia questa croce,/la strada della croce/è la strada di Dio./Ma non è facile/amare la croce/essere in croce./Figlio di Dio/scendi da questa croce/che ci salgo io/non morire per me/muoio io per te./Muoio a poco a poco/e muoio per te./La croce della mia vita/sono io/io che ti faccio resistenza/io che non parlo di te/io che non muoio per te./Abbracciare la croce/è la morte dell’io/amare la croce/è non essere più io./Se muoio io, nasci tu./Fai morire questo io/e nasci presto tu./