L’amuri

L’amuri fu sempri amaru pi mia.
Nica, nicuzza
l’arma mia disìa
‘na carizza, un vasuneddu.
Criscennu, circai l’amuri
tra l’amici, li cumpagni,
poi circai l’amuri di l’omu
e quannu pinsava
d’avillu truvatu
mi ‘ntisi cuntenta, arrivata.
Ma lu disìu ‘un s’avìa carmatu.

Circai ancora e sempri
tra li criaturi lu circai
m’inchivu la vita
di frati e di sori
amuri sinceru, amuri gratuitu
e sempri stu disìu
addumava l’arma mia.

“Chi voi? chi cerchi?
Cerchi, lu trovi e ‘un t’abbasta
c’amuri cerchi pi ghinchiri
stu cori malatu?”

Cercu n’amuri
ca inchi lu cori
c’astuta stu focu
c’abbrucia eternu rintra di mia!
Cercu l’amuri chiù granni chi c’è.
Cercu n’amuri
ca inchi lu cori, la menti.
Cercu n’amuri
ca un dici: picchi si d’accussì?

“Ma allura figghia mia
cancia strata e cerca a mia”.

Testo in lingua: L’amore//L’amore fu sempre amaro per me./Piccola, piccolina/l’anima mia desidera/una carezza, un bacetto./Crescendo, cercai l’amore/tra gli amici, i compagni,/poi cercai l’amore dell’uomo/e quando pensai/di averlo trovato/mi sentì contenta, arrivata./Ma il desiderio non si era calmato.//Cercai ancora e sempre/tra le creature lo cercai/Mi sono riempita la vita/di fratelli e sorelle/amore sincero, amore gratuito/e sempre questo desiderio/accende l’anima mia.//“Che vuoi? che cerchi?/Cerchi, lo trovi e non ti basta/Che amore cerchi per riempire/questo cuore malato?”//Cerco un amore/che riempia il cuore/Che spenga questo fuoco/Che brucia eterno dentro di me!/Cerco l’amore più grande che c’è./Cerco un amore/che riempie il cuore, la mente./Cerco un amore/che non dice: perché sei così?//“Ma allora figlia mia/cambia strada e cerca me”.//