‘Na campana

Accattavu ‘na campana
ca sona sempri ‘na musica strana
vulissi ca si zittissi
ca stassi anticchia muta
ma idda senza posa
sona la so’ canzuna.

Cantala a picca a picca
‘un mi teniri cull’arma appisa
‘un mi criari stu scumpensu
lu cori miu unn’è cuntentu.
Lu ciriveddu ‘un s’arriposa
la to’ musica fa pirtusa.

Pi carità astuta stu sunari
ca iu vulissi dormiri
abbaca stu strumentu
ca iu vulissi sentiri
pinseri cchiù ‘mpurtanti.

Mi la vinnu sta campana?
O la rialu on surdu?

Testo in lingua: ’Na campana//Ho comprato una campana/che suona sempre una musica strana/vorrei che stesse zitta/che stesse un poco muta/ma lei senza posa/suona la sua canzone.//Canta a poco a poco/non mi tenere con l’anima appesa/non mi creare questo scompenso/il mio cuore non è contento./Il cervello non si riposa/la tua musica fa buchi.//Per carità spegni questo suono/perché io voglio dormire/calma questo tormento/perché io vorrei sentire/pensieri più importanti.//Me la vendo questa campana?/O la regalo a un sordo?//