Li figghi di Maria

Matri, chi gran curaggiu c’avisti
sutta la cruci abbrazzasti
‘na cruci chiù granni
t’accullasti tutta l’umanità.
Ora avemu la matri chiù duci
isamu l’occhi a Tia
e ti chiamamu mamà.
E ti pigghiasti li figghi boni
e li figghi tinti e puru chiddi
ca ‘un sannu cu si.

Li figghi boni
c’ogni suspiru lu cuntanu a tia
chiddi ca dicinu cu tuttu lu cori
mamà, pensa a mia.
Li figghi tinti ca ‘un pensanu a tia
mancianu, vivinu e su felici accussì.
Quannu, però, lu munnu unn’è bonu cu iddi
prestu, prestu pensanu a tia
e allura si la matri di Diu
e la matri di tutti li genti.

Poi ci su’ l’autri
li figghi chi dicinu: “iu ti priu
ma tu statti bona unni si”.
Ci su chiddi ca unn’annu spiranza ‘nto cori
e dicinu: “iu criu”; ma ‘un sannu cu si,
vannu a la missa, mancianu a Diu
e su figghi sulu accussì.

Li figghi chiù piatusi
su chiddi ca dicinu:
“Si foddi ca criri sti cosi di Diu.
Lu Diu? Si c’è
ma iddu è da supra e iu sugnu cca”.
E’ comu si Diu, so’ figghiu e Maria
fossiru cosi pusati dda supra
li pigghiu e li posu
li scutulìu e subitu l’ammucciu
tantu su’ cosi e pozzu fari accussì.

Iddi ‘un lu sannu
ca lu Diu è ca, dintra di mia
o latu a mia, ‘nta l’aria e lu celu,
lu pozzu tuccari, affirrari e parrari
Iddu mi senti puru quannu è luntanu
Iddu mi parra quannu iu sugnu surda.
Matri Santissima
ti priu pi tutti li figghi du munnu
ma ‘un ti siddiari, ti priu chiossai
pi chiddi ca ‘un sannu cu si
pi chiddi ca unn’annu spiranza
pi chiddi ca ‘un sannu
ca tu si a Matri chiù duci.
Chi dici mamà! Ti pozzu priari
pi tutti li frati chiù suli
pi chiddi ca un sannu cu si?

Testo in lingua: I figli di Maria//Madre, che gran coraggio che hai avuto/sotto la croce hai abbracciato/una croce più grande/ti sei fatta carico di tutta l’umanità./Ora abbiamo la madre più dolce/alziamo gli occhi a Te/e ti chiamiamo mamma./E ti sei presi i figli buoni/e i figli cattivi e pure quelli/che non sanno chi sei.//I figli buoni/che ogni sospiro lo raccontano a te/quelli che dicono con tutto il cuore/mamma, pensa a me./I figli cattivi che non pensano a te/mangiano, bevono e sono felici così./Quando, però, il mondo non è buono con loro/presto, presto pensano a te/e allora sei la madre di Dio/e la madre di tutte le genti.//Poi ci sono gli altri/i figli che dicono: “io ti prego/ma tu stai buona dove sei”./Ci sono quelli che non hanno speranza nel cuore/e dicono: “io credo”; ma non sanno chi sei,/vanno a messa, mangiano Dio/e sono figli solo così.//I figli più meschini/sono quelli che dicono:/“Sei folle se credi queste cose di Dio./Dio? Si c’è/ma lui è li sopra ed io sono qua”/E’ come se Dio, suo figlio e Maria/fossero cose posate lassù/li prendi e li posi/li scuoti e subito li nascondi/tanto sono cose e posso fare così.//Loro non sanno/che Dio è qui, dentro di me/accanto a me, nell’aria e nel cielo,/lo posso toccare, afferrare e parlare/Lui mi sente pure quando è lontano/Lui mi parla quando io sono sorda./Madre santissima/ti prego per tutti i figli del mondo/ma non ti seccare, ti prego di più/per quelli che non sanno chi sei/per quelli che non hanno speranza/per quelli che non sanno/che sei la mamma più dolce./Che dici mamma! Ti posso pregare/per tutti i fratelli più soli/per quelli che non sanno chi sei?//