Lacrimi

Chianciri e ‘un sapiri picchì
chianciri pi cui?
Lacrimi sensa sensu,
lacrimi senza sapuri
scinninu suli senza picchì.
Picchì chianci soru mia,
picchì chianci matri mia?
Chianciu e ‘un sacciu,
picchì chianciu.
Chianciri pi l’amuri
ca ‘un pozzu aviri
chianciu pi l'amuri
ca ‘un pozzu dari.

Chianci, figghia mia
lassali scinniri sti lacrimi,
ca lavanu lu cori
di tò piccati,
lavanu l'arma
di li piccatura.
Su lacrimi d'amuri
su lacrimi liggeri
‘un fannu mali!
Su’ lacrimi ca lassanu
la vucca ruci
e lu cori leggiu.
Chi vo' fari?
Lassali scinniri suli suli
‘un l'asciucari
sti lacrimi d'amuri.

Testo in lingua: Lacrimi//Piangere e non sapere perché/Piangere per chi?/Lacrime senza senso,/lacrime senza sapore/scendono sole senza perché./Perché piangi sorella mia,/perché piangi madre mia?/Piango e non so/perché piango./Piangere per l’amore/Che non posso avere/piango per l'amore/che non posso dare./Piangi, figlia mia//lasciale scendere queste lacrime,/che lavano il cuore/dai tuoi peccati,/lavano l'anima/dei peccatori./Sono lacrime d'amore/sono lacrime leggere/non fanno male!/Sono lacrime che lasciano/la bocca dolce/e il cuore lieve./Che vuoi fare?/Lasciali scendere sole, sole/non le asciugare/queste lacrime d'amore.//