Matri

Matri è lu primu parpitu d’amuri
ru picciriddu
ca grapi l’occhi a la vita
è lu suspiru di l’omu pi tutta a so’ vita
è l’urtimu nomu
‘mmucca di chiddu ca mori.
Nomu riccu, chinu di carezzi
di vasuneddi,
di vrazza ca ti ‘nsignanu la vita.
E’ lu primu
e l’urtimu ‘mmucca di la genti.

‘Nta sta iurnata strana
fatta di pinseri
di parpiti d’amuri
pensu a lu to’ nomu Maria.
Maria è sulu Maria
ma si dici matri di Diu
è puru matri mia.
Allura lu cori si grapi
la menti si perdi
la matri chiù matri
è puru matri mia.
L’omu criatu addiventa
lu beni chiù priziusu
picchì ni rasti a to’ matri p’amuri.
Grazi cu tuttu lu cori
grazi cu tutta la menti
grazi pi l’omu
grazi pi tia matri di Diu.

Testo in lingua: Madre// Madre è il primo palpito d’amore/ del bambino/ che apre gli occhi alla vita/ è il sospiro dell’uomo per tutta la sua vita/ è l’ultimo nome/ nella bocca di chi muore./ Nome ricco, colmo di carezze/ di baci/ di braccia che t’insegnano la vita./ È il primo/ e l’ultimo in bocca della gente.// In questa giornata strana/ fatta di pensieri/ di palpito d’amore/ penso al tuo nome Maria./ Maria è solo Maria/ ma se dici madre di Dio/ è pure madre mia./ Allora il cuore si apre/ la mente si perde/ la madre più madre/ è pure madre mia./ L’uomo creato diventa/ il bene più prezioso/ perché ci hai dato tua madre per amore./ Grazie con tutto il cuore/ grazie con tutta la mente/ grazie per l’uomo/ grazie per te madre di Dio.//