Lu ‘mmitu

Grapi la porta picciriddu

curri felici ‘ncontru a la genti
‘un ti ‘nchiùiri dintra li muri
su sulu cementu
fora c’è lustru
c’è l’aria priziusa
inchi lu cori, vuncia li vini
curri lu sangu
dintra li vini
pari ‘na strata ‘mmenzu lu munnu
curri felici dintra la vita
curri prestu ca lu tempu finisci
curri ca lu tempu è la vita
unn’è sulu lu tic tac
du roggiu sfasciatu.

Testo in lingua: L’invito// Apri la porta piccolino/ corri felice incontro alla gente/ non ti chiudere dentro i muri/ sono solo cemento/ fuori c’è luce/ c’è l’aria preziosa/ riempie il cuore, gonfia le vene/ corre il sangue/ dentro le vene/ sembra una strada in mezzo al mondo/ corri felice dentro la vita/ corri presto che il tempo finisce/ corri che il tempo è la vita/ Non ’è solo il tic tac/ Di un orologio rotto.//