Focu d’amuri

Lu scuru di la notti
niuru comu la morti
Nun dormi, ti giri e ti firrìi
chi voli u tò cori
ca cerchi lu jornu
puru la notti?

S'adduma la luci, cchiù luci da luci
s'adduma lu celu supra di tia.
Un dormi lu Diu spacca lu scuru
adduma ‘na luci sulu pi tia.

La viri la via figghia di Diu?
è chidda da supra, è tutta pi tia
‘Un ti firmari, ‘un ci pinsari
curri filici 'ncontru a lu jornu.

Camina sta palla tra la terra e lu celu
Poi ruci ruci acchiana cchiù supra
Russu di focu ammazza la notti
Nasci lu jornu mori la morti.

Testo in lingua: Fuoco d’amore//Il buio della notte/nero come la morte/Non dormi, ti giri e ti rigiri/che vuole il tuo cuore/che cerchi il giorno/pure la notte?//Si accende la luce, più luce della luce/Si accende il cielo sopra di te./Non dorme Dio spacca il buio/accende una luce solo per te.//La vedi la via figlia di Dio?/è quella là sopra, è tutta per te/Non ti fermare, non ci pensare/corri felice incontro al giorno//Cammina questa palla tra la terra e il cielo/Poi dolcemente sale più in alto/Rosso di fuoco ammazza la notte/Nasce il giorno muore la morte.//