Lu pirdunu pi li figghi piatusi

Parramu a tutti li genti
di firi, spiranza e carità.
Iddi su cca, talianu e sentinu
la firi è lu primu rialu
ca Diu Patri fici all’omu
la spiranza nasci ‘nto cori
e addiventa carità.
Ma pensu a tutti chiddi
c’annu la firi picciridda
nicaredda arristò dintra lu cori
e la spiranza ‘un nasci ‘nta sti cori
e unn’addiventa carità.
Poviri figghi di Diu
poviri dintra,
picchì un canuscinu a tia.
S’abbaddruttulianu ‘nta stu munnu ‘nfami
cercanu, cercanu
e ‘un trovanu nenti
uncercanu la ricchizza
li cosi belli du munnu
cercanu l’amici, li vizi e lu dannu
‘un cercanu a tia
‘un sannu cu si.
‘Un su mai felici
quannu dicinu di tuccari lu celu
scoppanu ‘nterra e ‘un sannu picchì.
Poviri svinturati
sunnu morti e parinu vivi
caminanu, parranu, mancianu
ma dintra lu cori
su’ nuri e cruri
‘un canuscinu a Tia.
Ora Matri ‘nta stu misi odurusu
agginucchiuni ti priu
pi tutti chiddi ca ‘un canuscinu a tia
li mettu a unu a unu
‘nta sti manu to’ priziusi
portali tu sti figghi piatusi
portali a Diu, matri amurusa.
Sulu la matri chiù duci
po’ addumannari pirdunu
pi sti figghi ca ‘un canuscinu a Diu.

Testo in lingua: Il perdono per i poveri figli//Parliamo a tutte le genti/di fede, speranza e carità./Sono qua, guardano e sentono/la fede è il primo regalo/che Dio Padre fece all’uomo/la speranza nasce nel cuore/e diventa carità./Ma penso a tutti quelli/che hanno la fede bambina/piccolina è rimasta dentro al cuore/e la speranza non nasce in questi cuori/e non diventa carità./Poveri figli di Dio/poveri dentro,/perché non conoscono te./Si rotolano in questo mondo infame/cercano, cercano/e non trovano niente/cercano la ricchezza/le cose belle del mondo/cercano gli amici, i vizi e il danno/non cercano te/non sanno chi sei./Non sono mai felici/quando dicono di toccare il cielo/cadono per terra e non sanno perché./Poveri sventurati/sono morti e sembrano vivi/camminano, parlano, mangiano/ma dentro il cuore/sono nudi e crudi/non conoscono te./Ora Madre in questo mese odoroso/In ginocchio ti prego/per tutti quelli che non conoscono te/li metto ad uno ad uno/in queste mani tue preziose/portali tu questi figli pietosi/portali a Dio, madre amorosa./Solo la madre più dolce/può domandare perdono/per questi figli che non conoscono Dio./