La normalità

U viri u sapìa
foddi mi dissiru
e un scrivu chiù.
Foddi di cui?
Foddi d'amuri!
Chi focu granni ‘un parra chiù!
Zocch'è la normalità?
E' normali l'omu
ca nasci, crisci e mori
senza disiu di santità.
E' normali cu accumula picciuli,
cu travagghia senza nicissità.
E' normali
chiddu ca viri a Tia
‘mmenzu la genti
e si vota la faccia.
E' normali
chiddu ca viri
lu malatu
lu disadattatu
lu poviru
e dici megghiu iddu ca iu.
E' normali
chiddu ca viri cu l'occhi
e ‘un senti cu lu cori.
E' normali
chiddu ca viri sulu li facci di la genti
e ‘un senti li pinseri
‘un capisci li nicissità.
E' normali, è normali
ma chi è sta normalità?
E' la morti ‘nta lu cori
è la morti di la menti
è la morti sta normalità.

Testo in lingua: La normalità//Lo vedi, lo sapevo/pazza mi hanno detto/e non scrivo più/Pazza di chi?./Pazza d’amore/Che disastro non parla più!/Cos’è la normalità?/E’ normale l’uomo/che nasce, cresce e muore/senza desiderio di santità./E’ normale chi accumula soldi,/chi lavora senza necessità./E’ normale/quello che vede Te/fra la gente/e si volta la faccia./E’ normale/quello che vede/il malato/il disadattato/il povero/e dice meglio lui che io./E’ normale/quello che vede con gli occhi/e non sente con il cuore./E’ normale/quello che vede solo la faccia della gente/e non sente i pensieri/non capisce le necessità./E’ normale, è normale/ma cos’è questa normalità?/E’ la morte nel cuore/è la morte della mente/è la morte questa normalità.//