La spiranza di li ciuri

S’arruspigghia la terra
si grapinu li ciuri
chiddi nichi, poviri di tuttu
ma ricchi di luci e di suli.
Si grapinu ‘nta li prati
‘nta li bordi di li strati
‘mmenzu la munnizza
sutta i marciaperi
li picciriddi li cogghinu felici
e a tia Marunnuzza bedda
li portanu c’amuri.

Poi ci su l’autri
li signuri, li ciuri di serra
li ciuri priziusi
chiddi ca s’accattanu
a tutti li dinari
ma ‘un su’ pi tia
Marunnuzza mia.

Li ciuri cultivati
sunnu pi li signuri
sunnu pi li genti senza amuri.
Iddi poviri ciuri di serra
passanu di la vitrina
a essiri ammugghiati
o dintra ‘na scatula apparati
misi ‘nchiusi dintra li casi
mai liberi d’essiri ciuri
mai felici d’essiri amuri.

Chi ‘mmiria pi ddi ciuriddi di pratu
liberi e felici
d’essiri quariati di lu suli
scutuliati di lu ventu
cu la spiranza
d’essiri cugghiuti
pi tia Marunnuzza bedda.

Testo in lingua: La speranza dei fiori//Si sveglia la terra/ sbocciano i fiori/ quelli piccoli, poveri di tutto/ ma ricchi di luce e di sole./ Sbocciano nei prati/ sul bordo delle strade/ nell’immondizia/ sotto i marciapiedi/ i bambini li raccolgono felici/ e a te Madonnina bella/ li portano con amore.// Poi ci sono gli altri/ i signori, i fiori di serra/ i fiori preziosi/ quelli che si comprano/ a caro prezzo/ ma non sono per te/ Madonnina mia// I fiori coltivati/ sono per i signori/ sono per la gente senza amore./ Loro poveri fiori di serra/ passano dalla vetrina/ ad essere incartati/ o dentro una scatola in bella mostra/ messi chiusi dentro le case/ mai liberi d’essere fiori/ mai felici d’essere amore.// Che invidia per quei fiorellini di prato/ liberi e felici/ d’essere riscaldati dal sole/ scossi dal vento/ con la speranza/ d’essere raccolti/ per te Madonnina bella.//