Lu disiu

Chi turmentu, chi suffriri!
la me arma è tuttu un patiri,
lu cori è ‘na petra rintra u me’ pettu.
Unni mi giru giru,
ci si Tu ca mi turmenti.
Siddu chiddu ca c'è rintra ri mia
è lu fruttu di lu tò amuri
iu mi dumannu: chi sugnu pi Tia?
Picchì mi duni stu compitu gravusu
a mia ca sugnu nenti?

E m'innacchiànu
e mi vestu ri superbia
e lu piccatu trasi 'ntò me’ cori.

S'inveci è tuttu fruttu di la menti
Cu’ sugnu iu
ca mi mettu o postu ri Diu?
Sugnu u risurtatu ru piccatu,
lu piccatu chiù putenti.

E allura mi staiu muta
e la me’ vucca ‘un parra
e la me’ arma grida
e stu turmentu
fa dannu a mia e a Tia.
A mia, picchì mi sentu ravanzi
la porta di lu ‘nfernu,
a Tia, picchì sta pirdennu
sta figghia tua chiù bedda.

Tu mi inchi lu cori,
Tu mi inchi la menti
di suffriri di patimenti
di la paci e di la gioia
di l'amuri di la genti.
Tu mi runi li pinseri,
Tu mi grapi la menti e lu cori.
Si tuttu st'amuri ca sentu pi Tia
è la sarvizza di l'arma mia,
‘un mi lassari cà
portami cu Tia.

Testo in lingua: IL desiderio//Che tormento, che soffrire!/La mia anima è tutto un patire,/il mio cuore è una pietra dentro il mio petto./In ogni luogo,/ci sei Tu che mi tormenti./Se quello che c'è dentro di me/è il frutto del tuo amore/io mi domando: “che sono per Te?/Perché mi dai questo compito gravoso/a me che sono niente”?//E m'innalzo/e mi vesto di superbia/e il peccato entra nel mio cuore.//Se invece è tutto frutto della mente/chi sono io/che mi metto al posto di Dio?/Sono il risultato del peccato,/il peccato più potente.//E allora sto muta/e la mia bocca non parla/e la mia anima grida/e questo tormento/fa danno a me e a Te./A me, perché mi sento davanti/la porta dell‘inferno,/a Te, perché stai perdendo/questa figlia tua più bella.//Tu mi riempi il cuore,/Tu mi riempi la mente/di sofferenze di patimenti/della pace e della gioia/dell'amore della gente./Tu mi dai i pensieri,/Tu mi apri la menti e il cuore./Se tutto quest'amore che sento per Te/è la salvezza dell'anima mia,/non mi lasciare qua/portami con Te.//