Essiri cu tia

Lu Diu ca trasiu dintra di mia
cu tanta tinirizza tratta sta vita mia.
Ci fu un tempu ca tu
cumannavi dintra di mia.
Poi t’addummiscisti
e iu addisiava li strantuluna
mi sinteva sula, abbannunata
chi ti fici di mali figghiu di Diu?
Picchì si mutu dintra di mia?
Lu to’ silenziu era cchiù tintu du parrari.

Poi un jornu
quannu ormai la tristizza
avìa pigghiatu pussessu di lu cori
quannu l’occhi
unn’avevanu cchiù lacrimi di virsari
tu mi dicisti:

“Figghia mia
l’amuri ca t’inchìu lu cori
unn’è astutatu
è comu un focu
ca s’arriposa dintra di tia
U sacciu si, ca sugnu priputenti
Ora iu ti parru cu rispettu
Picchì tu canusci a mia.
Capisci li pinseri
sussurrati dintra la menti,
picchì tu sai chi vogghiu diri.
Ora si la varca di la to’ vita
sciddica supra lu mari lisciu
‘un c’è cchiù timpurali
è sulu picchì sta varca
canusci la via.
Figghia, ‘na parola liggisti “scinni”
e ‘na finestra si grapìu
e tu viristi tuttu lu scinniri di Diu
e tu capisti tuttu lu scinniri di l’omu.
Scinni figghia mia p’acchianari cu mia”.

Testo in lingua: Con te//Il Dio che è entrato dentro me/con tanta tenerezza tratta questa vita mia./Ci fu un tempo che tu/comandavi dentro di me./Poi ti sei addormentato/e io desideravo gli strattoni/mi sentiva sola, abbandonata/che ti feci di male figlio di Dio?/Perché sei muto dentro di me?/Il tuo silenzio era più brutto del tuo parlare.//Poi un giorno/quando ormai la tristezza/aveva preso possesso del cuore/quando gli occhi/Non avevano più lacrime da versare/tu mi hai detto//“Figlia mia /l’amore che ti ha riempito il cuore/Non si è spento/è come un fuoco/che riposa dentro te/Lo so, che sono prepotente/Ora io ti parlo con rispetto/Perché tu mi conosci./Capisci i pensieri/sussurrati nella mente,/Perché tu sai cosa voglio dire./Ora se la barca delle tua vita/scivola sopra il mare liscio/non c’è più temporale/è solo perché questa barca/conosce la via./Figlia, una parola hai letto “scendi”/e una finestra si è aperta/e tu hai visto tutto lo scendere di Dio/e tu hai capito tutto lo scendere dell’uomo./Scendi figlia mia per salire con me”.//