A fuddìa

Foddi mi dissiru,
circamu u dutturi
ca ci lava la menti
e ci sbacanta lu cori.
E iu muta mi stetti,
‘un parravu chiù
picchì st’offisa
‘un la ficiru a mia.

Assira mi vitti frati suli e sora luna
puru a iddi pigghiaru pi foddi.
Foddi d’amuri p’aceddi, pi pisci
pi ciuri e pi stiddi
Tu parravi cu iddu
e iddu era felici accussì.

Tutti li santi su’ foddi d’amuri
ma chi curpa hannu pi sta fuddìa
lu veru foddi si Tu.
C’amuri foddi pi l’omu c’avisti!
Scinnisti ‘nterra
e ti spugghiasti di divinità
poviru e nuru
parrasti all’omu p’amuri.
Arruspigghiasti li morti,
grapisti l’occhi all’orbi
lavasti l’arma di li piccatura
ma ‘un t’abbastò.

Supra ‘na cruci acchianasti
e cu tuttu lu cori
a to’ Patri dicisti;
“Pirdunu pi l’omu criatu,
pi tutta st’umanità”.
Chi foddi chi fusti
muristi ‘ncruci
e ‘un t’abbastò.

Cu stu sacrificiu
ammazzasti u piccatu
Diu Patri cu tuttu lu cori
ti vistìu d’a so’ santità
arreri d’a supra turnasti pi nui
e ni ricisti v’aspettu cca
e un t’abbastò.

Pigghiasti a to’ matri
e ci rasti li figghi
chiù tinti du munnu
e idda chiù foddi di tia
abbrazzò sta cruci
e chianci cu tia
e pria cu tia
lu Patri Santu
pi nui piccatura.
Idda ni duna la spiranza
di essiri cu Tia
p’addivintari normali
‘mmenzu li foddi di Diu.

Testo in lingua: La follìa//Pazza mi dissero/cerchiamo il dottore/che le lavi la mente/e le svuoti il cuore./E io rimasi muta/non parlai più/perché quest’offesa/non la fecero a me.//Ieri sera ho visto: “frate sole e sora luna”/pure loro presero per pazzi./Pazzi d’amore per gli uccelli, per i pesci/per i fiori e per le stelle/Tu parlavi con lui/e lui era felice così.//Tutti i santi sono pazzi d’amore/ma che colpa hanno di questa follìa/il vero pazzo sei tu./Che amore folle per l’uomo hai avuto!/Sei sceso in terra/e ti sei spogliato di divinitàpovero e nudo/hai parlato all’uomo per amore./Hai svegliato i morti,/aperto gli occhi ai ciechi/hai lavato l’anima dei peccatori/ma non ti è bastato.//Sopra una croce sei salito/e con tutto il cuore/a tuo Padre hai detto:/“Perdono per l’uomo creato,/per tutta l’umanità”./Che pazzo sei stato/sei morto in croce/e non ti è bastato.//Con questo sacrificio/hai ammazzato il peccato/Dio Padre con tutto il cuore/ti vestì della sua santità/di nuovo lì sopra sei tornato per noi/e ci hai detto vi aspetto qua/e non ti è bastato.//Hai preso tua madre/e le hai dato i figli/più cattivi del mondo/e lei più folle di te/abbracciò questa croce/e piange con te/e prega con te/Il Padre santo/per noi peccatori./Lei ci dà la speranza/di stare con te/per diventare normali/tra i pazzi di Dio.//