Tri P. (Padre Pino Puglisi)

Un pinseri ‘mprovvisu ‘nta la menti
“Lu sbinturatu unn’avi paci”
un pinseri c’on dici nenti
ma chi inchi lu cori e la menti
un lampu e tuttu fu chiaru
ti vitti felici e cuntentu
‘mmiscatu, ‘mpastatu dintra lu Diu
spartutu, tu stissu ‘mmiscatu cu iddu
Ti vitti piatusu davanzi lu Diu
dumanni pirdunu pi la manu assassina
sintìa, virìa lu celu apertu supra di mia.

Tri P t’addumanna la grazia
d’aviri lu frati assassinu
Lu martiri santu a mia m’addumanna
diccillu cu mia.
Diccillu cu tutti li genti du munnu
la vuci di unu è picca pi Diu.
Isamu la vuci, dicemulu ‘ncoru
stu frati priziusu mi livau la vita
‘un sapi piatusu ca sugnu felici
grazi ti dicu cu tuttu lu cori
grazi picchì sugnu ca supra
pi du nenti chi fici sugnu ca supra.

Tu sbinturatu, tu persu e piatusu
senti la vuci chi c’è ‘nta lu cori
adduma sta lampa, adduma la luci
camini sbannutu chi voli u tò cori?
Senti sta vuci, sugnu iu ca ti parru
dintra la menti e dintra lu cori.

Patri priziusu fammi sta grazia
grapi l’aricchi a stu frati amurusu
‘mpastalu arreri
fallu pi mia ammaliatu di tia
fallu pi chiddu c’acchianò la so’ cruci
fallu pi chiddu chi voli u to’ cori,
ma fallu prestu picchì sugnu ‘nzurtusu
carmu e pacienti aspettu ca supra.

E sidd’un t’abbastu
chiamu li santi o latu a mia
e l’ancili ‘ncoru
cantanu puru ‘a stissa canzuna.
Lu viri Signuri quantu sugnu ‘nzurtusu
ma sugnu sicuru riri ‘u me cori
tu prestu lu sarvi
stu frati priziusu.

Testo in lingua: Tre P./Padre Pino Puglisi//Un pensiero improvviso nella mente/“Lo sventurato non ha pace”/un pensiero che non dice niente/ma che riempie il cuore e la mente/un fulmine tutto fu chiaro/ti ho visto felice e contento/immischiato, impastato dentro Dio/separato, tu stesso immischiato con Lui/Ti vidi pietoso davanti Dio/domandi perdono per la mano assassina/sentivo, vedevo il cielo aperto sopra di me//Tre P. ti domanda la grazia/d’avere il fratello assassino/il martire santo a me domanda/dillo con me./Dillo con tutte le genti del mondo/la voce di uno è poco per Dio./Alziamo la voce, diciamolo in coro/questo fratello prezioso mi tolse la vita/non sa poverino che sono felice/grazie ti dico con tutto il cuore/grazie perché sono qui sopra/per quel niente che feci sono qui sopra.//Tu sventurato, tu perso e pietoso/senti la voce che c’è nel tuo cuore/accendi questa lampada, accendi la luce/cammini smarrito che vuole il tuo cuore?/Senti questa voce, sono io che ti parlo/dentro la mente e dentro il cuore.//Padre prezioso fammi questa grazia/apri le orecchie a questo fratello d’amore/impastalo di nuovo/fallo per me innamorato di te/fallo per chi salì la sua croce/fallo per quello che vuole il tuo cuore,/ma fallo presto perché sono insistente/calmo e paziente aspetto qua sopra.//E se non ti basto/chiamo i santi accanto a me/e gli angeli in coro/cantano pure la stessa canzone./Lo vedi Signore quanto sono insistente/ma sono sicuro ride il mio cuore/tu presto, lo salvi/questo fratello prezioso//